KuMuNeT Balita

Kutawato Multimedia Network “Balitang Bangsamoro!” December 12, 2013

Public Consultations sa Bangsamoro Basic Law, Ginanap sa Lanao del Norte at Iligan City

By Lira Mae Pagco (ForumZFD/KuMuNet)

Mahigit tatlumpong local civil society organizations ang nanguna at nakilahok sa isinagawang public consultations sa lalawigan ng Lanao del Norte at lungsod ng Iligan na sinuportahan ng GIZ Peace Service Program.

Ang konsultasyon ay naganap noong ika-apat hanggang ika-pito ng Disyembre.

Ayon sa organizer ng ginawang konsultasyon, ito ay bahagi ng pagsisikap upang makakuha ng input mula sa mga komunidad hinggil sa bagong itatatag na Bangsamoro na papalit sa kasalukuyang Autonomous Region in Muslim Mindanao o ARMM.

Kutawato Multimedia Network “Balitang Bangsamoro!” December 5, 2013

Radio Community Peace Forum ng KuMuNet sa Framework Agreement on the Bangsamoro, Matagumpay na naidaos sa Cotabato City

By Lira Mae Pagco (ForumZFD/KuMuNet)

Matagumpay na naidaos ang Radio Community Peace Forum ng Kutawato Multimedia Network o KuMuNet sa Notre Dame University, Cotabato City noong Lunes ika-dalawa ng Disyembre kung saan tampok ang usapin ng Framework Agreement on the Bangsamoro (FAB) at ilang annexes nito.

Kutawato Multimedia Network “Balitang Bangsamoro!” November 28, 2013

Konsultasyon ng Independent Commission on Policing isinagawa sa Bayan ng Sultan Kudarat, Maguindanao

By Ammier M. Dodo (CBCS/KuMuNet)

Matagumpay ang idinaos na konsultasyon ng Independent Commission on Policing o ICP na ginanap sa tanggapan ng Bangsamoro Leadership and Management Institute o BLMI, Simuay, Sultan Kudarat, Maguindanao kahapon,  Miyerkules, at magtatapos sa araw na ito, ika Dawamput-walo ng Nobyembre.

Dinaluhan ng iba’t-ibang personalidad na nanggaling sa hanay ng Civil Society Organizations at Religious Sector ang konsultasyon.

Sinabi ng ICP chairman Randy Beck na layunin ng pagtitipong ito na pakinggan ang tinig ng mamamayan ukol sa itatatag na Bangsamoro Police Force. Kasabay nito, nangako si Beck na gagawin ng ICP sa abot ng kanilang makakaya upang makabuo ng isang kongrketong rekomendasyon para sa itatatag na Bangsamoro Police Force.

Kutawato Multimedia Network “Balitang Bangsamoro!” November 14, 2013

Sajahatra Bangsamoro gumagawa ng hakbang upang mapabilis ang pag-enrol ng mga benepisyaro ng health insurance corporation o Philhealth

By Tu Alid Alfonso (UNYPAD/KuMuNet)

Tinawag na Online Rapid Enrollment o ORE ang sistemang ginagawa ngayon ng Sajahatra Bangsamoro upang mapabilis ang pag-enrol ng mga benepisyaro ng Philhealth.

Ayon sa Sajahatra Bangsamoro, ang bagong sistema ay magiging mabilis ang pag-access ng mga hospital at clinics sa profile ng Moro people na naka-enrol sa programa.

Ang  information system ay ilalagay sa Local Government Units at i-uugnay naman nito sa Department of Health’s Watching Over Mothers and Babies (WOMB) at Department of Social Welfare and Development’s Sustaining Interventions in Poverty Alleviation and Governance (SIPAG).

Kutawato Multimedia Network “Balitang Bangsamoro!” November 7, 2013

Radio Community Peace Forum ng KuMuNet sa Framework Agreement on the Bangsamoro sa bayan ng Upi, Maguindanao, Matagumpay na naidaos

By Tu Alid Alfonso (UNYPAD/KuMuNet)
 

131107 Radio Community Peace ForumMatagumpay na naidaos ang Radio Community Peace Forum ng Kutawato Multimedia Network o KuMuNet sa bayan ng Upi, Maguindanao na kung saan pinag-usapan ang Framework Agreement on the Bangsamoro o FAB.

Mahigit Pitumpong mga pinuno ng mga Indigenous People o Katutubo mula sa North at South Upi ang lumahok. Tinalakay sa forum ang mahahalagang laman ng FAB kabilang dito ang kanyang annexes na wealth sharing, power sharing at normalization.

Ayon sa mga katutubong T’duray at Lambangian na dumalo sa programa ay suportado nila ang pag-uusap ng gobyerno at Moro Islamic Liberation Front.

Kutawato Multimedia Network “Balitang Bangsamoro!” October 31, 2013

2nd Global Handwashing Day, matagumpay na naidaos ng DepEd ARMM

By Tu Alid Alfonso (UNYPAD/KuMuNet)

May temang “The Power is in Your Hands” ang selebrasyon ng taunang ginagawang ‘global hand washing day.’ Ito ay dinaluhan ng mga non-government organizations, kasama ang ahensya ng Autonomous Region for Muslim Mindanao na lumahok sa pagtitipon.

Nag-umpisa ang programa sa isang walk for clean hands mula sa Blue Mosque sa loob ng ORG compound patungo sa Shariff Kabunsuan Complex.

Sinundan ng mga talumpati mula sa opisyales ng Dep-Ed ARMM, Department of Health, Madaris, tanggapan ng Regional Governor at ang actual na paghugas ng kamay ng mga estudyante at opisyales ng ibat-ibang organisasyon.

Kutawato Multimedia Network “Balitang Bangsamoro!” October 24, 2013

Bangsamoro Transition Commission at Mindanao Civil Society Organizations lumagda ng isang Kasunduan

Lira Mae Pagco (Forum ZFD/KuMuNet)

Nilagdaan ng Bangsamoro Transition Commission at ng Mindanao Civil Society Organizations ang Memorandum of Agreement o MOU  upang magsagawa ng inclusive at participatory na proseso sa pagbuo ng input, mga panukala at rekomendasyon sa pagbalangkas ng Bangsamoro Basic Law sa pamamagitan ng pakikipag-ugnayan nila sa publiko, pag sasagawa ng konsultasyon sa mamamayan at pagpapakalat ng impormasyon sa publiko.

Nanguna sa paglagda sa MOU ang Transition Commissioner Chairman Mohagher Iqbal at Atty. Mary Ann Arnado ng Mindanao Peoples Caucus o MPC para sa Mindanao Civil Organization Society Platform for Peace o (MCSOPP) kasama ang mahigit Dalawampong organisasyon na nakakalat sa buong Mindanao.

Kutawato Multimedia Network “Balitang Bangsamoro!” October 17, 2013

Power Sharing annex ng FAB mabusising pinag usapan ng Gobyerno at MILF sa ika 41st exploratory talks

By Lira Mae Pagco (Forum ZFD/KuMuNet)

Bigo parin ang gobyerno at Moro Islamic Liberation Front o MILF na mabuo ang kasunduaan kung paano paghahatian ng dalawang panig ang kapangyarihan na ibabahagi sa Bangsamoro political entity at central government sa ginanap na 41st exploratory talks sa Kuala Lumpur, Malaysia.

Nagkaroon pa ng extension ang peace talks sa Malaysia. Ito’y nagsimula noong Sabado ikalabin-dalawa ng Oktubre alas-diyes ng umaga hanggang Linggo ikalabin-tatlo ng Oktubre alas-singko ng umaga upang makumpleto ang power sharing annex na isa sa dalawa pang natitirang annexes ng Framework Agreement on the Bangsamoro.

Sakabila ng nangyaring extension ay hindi parin natapos ng dalawang panig ang Power Sharing annex.