KuMuNeT Balita

Kutawato Multimedia Network “Balitang Bangsamoro!” October 10, 2013

Kutawato Multimedia Network, magsasagawa ng Community Peace Forum sa bayan ng Upi, Maguindanao

By Tu Alid Alfonso (UNYPAD/KuMuNet)

Tatalakayin sa gagawing Community Peace Forum na pangungunahan ng Kutawato Multimedia Network o KuMuNet ang kasalukuyang pag-uusap ng pamahalaan at Moro Islamic Liberation Front kabilang ang nilalaman ng Framework Agreement on the Bangsamoro o FAB.

Sinabi ng Project Manager ng ForumZFD Karen Waterman na layunin ng programa na mabigyan ng updates at linaw ang mga katutubong naninirahan sa bayan ng Upi sa mga kaganapan sa pag-uusap ng pamahalaan at MILF.

Samantala, malugod na tinanggap at agad na sinuportahan ni North Upi Mayor Hon. Ramon Piang, Sr. ang pagsasagawa ng programa sa kanyang bayan. Kasama ang United Youth for Peace and Development, Inc. at Lumad Development Center, Inc. sa isinagawang pagbisita ng KuMuNet sa tanggapan ni Mayor Piang kahapon, ika-Siyam ng Oktubre.

Ayon kay ForumZFD Project Manager Karen Waterman, ang mga miyembro ng Bangsamoro Transition Commission ang iimbitahin at direktang magbibigay ng peace process updates. Sinabi naman ni DXUP Radio Program Director Ali Anso na live na i-coverage ng DXUP Community Radio Station ang gagawing programa. Naitakda ang gagawing community peace forum sa darating na ika-Lima ng Nobyembre na gaganapin sa San Isidro Parish Church, Nuru Upi, Maguindanao.

Kutawato Multimedia Network “Balitang Bangsamoro!” October 3, 2013

  

Proyekto para sa mga Indigenous People sa Carmen, North Cotabato sinuportahan ng iba’t ibang stakeholders, NGOs at Local Executives

By Lira Mae Pagco (ForumZfd/KuMuNet)

Pumirma ng commitment of support ang mga ibat-ibang stakeholders bilang suporta para sa pagsasakatuparan ng isang proyekto na inilaan upang makinabang ang libu-libong mga mahihirap na lumad o katutubo mula sa isang remote na bayan ng Carmen, North Cotabato.

Mahigit walumpong mga stakeholders ang nagkaisa, kabilang sina Dr. Lilibeth Malabanan, MD., Project Director ng Indigenous Peoples Maternal, Neonatal, Child Health and Nutrition o IP-MNCHN Project Mindanao, ay nangakong susuportahan ang proyekto para sa mga katutubo.

Ayon kay Gus Tapia, IP-MNCHN provincial director ng North Cotabato, ang mga Manobo-Aromanon ng Barangay Bentangan, Carmen ay nakarehistrong may mataas na saklaw ng maternal at neo-natal o pagkamatay ng sanggol, malnutrisyon, at iba pang mga problema sa kalusugan ng mga bata.

Kutawato Multimedia Network “Balitang Bangsamoro!” September 26, 2013

 

Southern Christian College nagsagawa ng Peace forum upang maunawaan ng Mag-aaral ang MILF-GPH Peace process at FAB annexes

By Lira Mae Pagco (ForumZFD/KuMuNet)

Matagumpay na ipinag diwang ng Southern Christian College sa bayan ng Midsayap ang International Day of Peace noong Setyembre 21. Dinaluhan ito ng mga estudyante na nasa iba’t ibang departamento tulad ng social work, community development at extension education.

Nagkaroon ng isang forum patungkol sa usapin ng Wealth sharing at Power sharing na ibinahagi nila Atty. Johaira Wahab at Froilyn Mendoza miyembro ng Transition Commission o TC na nakatakdang mag-draft ng Bangsamoro Basic Law.

Bagamat di gaanong naipaliwanag ng mga commissioners ang patungkol sa Power Sharing annex sa kadahilanang hindi pa ito napipirmahan at wala pang sapat na detalye para maibahagi sa mamamayan.

Kutawato Multimedia Network “Balitang Bangsamoro!” September 19, 2013

Organization of Islamic Cooperation may intensyong tumulong sa pag resolba sa kaguluhang nangyayari sa Zamboanga

By Lira Mae Pagco (ForumZFD/KuMuNet)
 

Nag-alok ng tulong ang Organization of Islamic Cooperation o OIC upang matugunan ang lumalalang sitwasyon sa Zamboanga City na kumitil sa buhay ng tropa ng pamahaaan, hukbo ng Moro National Liberation Front o MNLF at mga inosenteng sibilyan.

Sa pahayag na nailathala sa website ng Organization of Islamic Cooperation, sinabi ni OIC Secretary General Ekmeleddin Ihsanoglu  na lubos silang nababahala sa patuloy na karahasang nangyayari sa Zamboanga at iba pang mga lugar sa Mindanao.

Ayon sa statement ng OIC, kanilang inaayawan ang anumang marahas na hakbang [sa krisis na nangyayari sa Zamboanga City].

Kutawato Multimedia Network “Balitang Bangsamoro!” September 12, 2013

Grupo ng Civil Society Organizations tinalakay ang siguridad ng mamamayan sa Mindanao bunsod ng mga kaguluhang nangyayari sa rehiyon

By Kutawato Multimedia Network (KuMuNet)

Nagsama-sama ang grupo ng Civil Society Organizations mula sa probinsya ng Maguindanao, North Cotabato, Sultan Kudarat, at lungsod ng Cotabato, itoy bunsod ng mga nakakabahalang pangyayari sa Mindanao kasunod ng pambobomba sa lungsod ng Cotabato at Cagayan, lalawigan ng Maguindanao at North Cotabato gayundin ang kasalukayang kaguluhan sa lungsod ng Zamboanga.

Kutawato Multimedia Network “Balitang Bangsamoro!” September 5, 2013

Pag-uusap ng mga Kabataan sa ARMM at Cotabato City upang suportahan ang FAB, Ginaganap

By Tu Alid Alfonso (UNYPAD/KuMuNet)

Dinaluhan ng Moro young leaders sa Maguindanao, North Cotabato at Cotabato City ang isinagawang “Young Leaders’ Round Table Discussions on Framework Agreement on the Bangsamoro” ng tanggapan ng Coordinating & Development Office on Bangsamoro Youth Affairs o CDO-BYA ng  Autonomous Region in Muslim Mindanao na ginanap sa Pagana Kutawato Restaurant, Cotabato City noong Biyernes.

Kutawato Multimedia Network “Balitang Bangsamoro!” August 29, 2013

Malawak na Alyansa sa Pagresolba sa Baha, Binuo sa Cotabato City

By Frenz Laureta (UnYPhil Women/KuMuNet)

Pormal na inilunsad ang Kilos Cotabateño o ang alyansa sa pagresolba sa problema sa baha. Nagsilbing convenor ng naturang alyansa ang pang-masang organisasyon, simbahan, youth organizations, government employees union, at mga indibidwal.

Kasabay ng naturang paglunsad ay ang isang forum para talakayin ang kalagayang pang-kalikasan at kung paano naaapektuhan ang mga mahihirap na bansa sa mga lasong ibinubuga ng mga mayayamang bansa.

Kutawato Multimedia Network “Balitang Bangsamoro!” August 22, 2013

FASTRAC magbibigay ng technical support sa FAB Annexes at Bangsamoro Basic Law

By Tu Alid Alfonso (UNYPAD/KuMuNet)

Umuusad na ang binuong partnership ng United Nations, World Bank at Moro Islamic Liberation Front na “Facility for Advisory Support for Transition Capacities o FASTRAC” na syang magbibigay ng technical assistance sa MILF para sa nalalabing dalawang annexes ng Framework Agreement on the Bangsamoro, ito ay ang Power Sharing at Normalization, kasama rin dito ang pagbuo sa Bangsamoro Basic Law.